Shab e gham mai tujhe aankhoN mai laiy kr

Shab e gham mai tujhe aankhoN mai laiy kr
Gilay mai chaand se kerta raha hoN

Hay teray hijer saiy fursat

Hay teray hijer saiy fursat nehi milnay wali

Ab kabhi wasl ke daulat nehi milnay wali

Main nay jana hay haqeeqat ko jannooN main kho ker

Onn saiy thhori se aqeedat nehi milnay wali

Chal kahin dhoond rustay main wafa k moti

Ab kisi sheher main izat nehi milnay wali

Teri wehshat nay kiya dil ka sakoon bhe gharat

Aisi hallat main hay rahat nehi milnay wali

Hay aseeri he ulfat tau banna reh qaidi

Teray ashkon ke bhe qeemat nehi milnay wali

Tou nay daikhay hain khulli aankh saiy kuch khawab zaroor

Dar hay ab niend ke luzzat nehi milnay wali

Aiy khatakar –e-mohabbat  kyun derta hai ab

Tujh ko apni he rafaqat nehi milnay wali

Janay walay nay muqader main teray likha shaukat

Iss gunahgar ko chahat nehi milnay wali

 

Jaanum teray baghair kab

Jaanum teray baghair kab zinda raha hon main

Her pehr her ghadi yahan merta raha hon main

Dukh zindagi ko ghayal kertay rehay meri

Ik kerb-e-musalsal saiy guzerta raha hon main

Jo loog apni jan saiy aziz thhay mujhay

Onn ke wafa ko akser tarusta raha hon main

Bikhray jalay muqaam milay safer-e-hayat main

Daamun ko apnay raakh saiy bherta raha hon main

Teri yad nay bhe likh dee muqader main baykali

Qismat k iss khail pay hunsta raha hon main

Hain aashna yahan meray dardon k qaaflay

Bus inn k dermiyan he chalta raha hon main

Rakhta hon her qadam main ab phoonk phoonk ker

Apnay he saaiy saiy bhe derta raha hon main

Aaj hon main oss jagah jahan manzil nehi shaukat

Ruston saiy baywaja he lardta raha hon main

Ye saal mahinay din shomaar na karna

Ye saal mahinay din shomaar na karna

Bai ja dil-e-muztarib pay waar na karna

Wo keh gaya thha waqt-e-rukhsat ye bhe

Kisi musaafir ka aitebaar na karna

Na mujhay yaad dilana na mujhay yaad aana

Apni berbaad haseraton ka izhaar na karna

Sufer-e-hayaat main apnay leye tum chun laina

Koe bhe gosha-e-makan per intezaar na karna

Dawa-e-dil k leye kaafi thha os ka ye kehna

Apni hasti kee hudon ko paar na karna

Saza k taur pay kaatna ye zindagi apni

Wafa bai mole bhe milay tau payar na karna

Zakhmon ko apnay see laina tanhaiye main baith kar shaukat

Ore iss saee main saal mahinay din shomaar na karna

Humari zeest ke ghaltiyaan

Humari zeest ke ghaltiyaan shomaar kartay hooway

Wo chal deya dil ko bayqarar  kartay hooway

Wo pardhta waqt ke lardyaan saal maheenay ore din

Humari daastan zamanay pay aashkaar kartay hooway

Kitab-e-dil main likha thha her lumhay ka haal hum nay

Dikhai daita agar usko humain ashkbaar kartay hooway

Rawadari main hum nay thhokeron main khod ko rakha thha

Guzar gaya wo aashiyan masmaar kartay hooway

Wo tau laaya bhe nehi aankhon main dau  ansoo

Hum he roye thhay os say nazar chaar kartay hooway

Ab k mousam-e-gul aaya agar zeest main mairi

Hum bhe daikhain gaiy usay khod pay aitebaar kartay hooway

Saleeb-e-ishq pay latka thha shaukat, wo kahaan thha

Guzaari umer hum nay jis ka intezaar kartay hooway

Zindagi samait tau loN mgr uljhan ye hai

Zindagi samait tau loN mgr uljhan ye hai
Khaak bhikri hai meray ghar sai os k ghar tak

Daiy ker tanhyie ke doulat tum ne

Daiy ker tanhyie ke doulat tum ne
Dil e barbaad ko ghar main abad kiya

Tou zakham-e-judaie ko tammana main mila kar

Tou zakham-e-judaie ko tammana main mila kar

Khod apnay he haaton sai ye zeher piya kar

Takleef main ehsaas-e-mohobat ko dubo kar

Umeed ke kirno’n main tou rooz jiya kar

Daikhay jo teray haal ko apnay main sumo ker

Aisay he kisi shakhs sai tou piyar kiya kar

Jeenay main kehin sokh  ore kehin dard-e-jahan hai

Haaton kee lakeeron ko na dosh diya kar

Jalta hai jism tera agar roog-e-wafa main

Parwanay kee jurrat ko tou yaad kiya kar

Bhikhray howay patton sai nashaimun ko saja kar

Ujaray howay logoon ko abaad kiya kar

Sumjhay jo tera dard koe aisa wali ho

Barbaad dilon main usay dhoondh liya kar

Wo kaun hai shaukat jo mubera hai dokhon sai

Aflaas ke basti main zara jhaank liya kar

Bikhra hai raat din meri zaat ka wajood

Bikhra hai raat din meri zaat ka wajood
Soya nehi sakooN sai kisi bhe roz maiN

Aankh purnum bhe nehi dil praishan bhe nehi

Aankh purnum bhe nehi dil praishan bhe nehi

Oss saiy milnay k leye koe saaman bhe nehi

Dil main rehta hay koe saans laita hay koe

Naam dainay k leye koe unwaan bhe nehi

Mera rahber bhe nehi mera qaatil bhe nehi

Itna mehnga bhe nehi itna arzaan bhe nehi

Abhi rakha hay qadam oss nay dunya main meri

Karon sujda main usay aisa eeman bhe nehi

Saath rakhon main usay apnay saaiy ke tarah

Itna mushkil bhe nehi itna asaan bhe nehi

Dooor main ja na sakon paas aanay bhe na doon

Mera apna bhe nehi koe mehman bhe nehi

Janay kis simat saiy wo shamil-e-sooch howa

Paas busti bhe nehi koe aastan bhe nehi

Ye chhupa dard kehin jaan lay lay na kehin

Iss khari baat saiy ab shaukat anjan bhe nahi

Hum mohabbat main hovay berbad werna

Hum mohabbat main hovay berbad werna

Admi hum bhe bohat kaam k thhay

Na khayaloN maiN rehay na he khawaboN main rehay

Na khayaloN maiN rehay na he khawaboN main rehay
Loog hum jaisay kahaN ab teri yaadoN main rehay

Bari hikmat se qudrat ne sujaya hai tujhey janaaN

Bari hikmat se qudrat ne sujaya hai tujhey janaaN
Munasif qad, qamer patli, shafaq Chahra ghazal aankhaiN

Kadvi meethi bataiN ker k baat manwani padti hai

Kadvi meethi bataiN ker k baat manwani padti hai

Apnay ghar k logon ko bhe baat sumjhani padti hai

Mal o zar k bal botay pr koe hukam chalata hai

Ore kisi k armanoN ko aag lagani padti hai

Pyar bharay Koch naghmay ga ker loog bichard bhe jatay haiN

Yad main on ki sudyun hum ko shama jalani padti hai

Qader baday bhe kho daitay hain samnay apnay buchoN k

Izat ghairat ke khatir phir jaan gunvani padti hai

Such ye hai jab lahja onn ka kaat ker rakh daita hai

Huns ker sari khiffat shaukat hum ko mitani padti hai

Aik cheez hai mohabbat jo raat raat bher

Aik cheez hai mohabbat jo raat raat bher
Daiti hai pehra aankh pe derbaan ki tarah

Kabhi rahat-e-dil kabhi aisay khafa bhe na hoe

Kabhi rahat-e-dil kabhi aisay khafa bhe na hoe

Ore teri yaad kabhi dil saiy juda bhe na hoe

Tujh ko jitna bhe bhulaya tou bohat yaad aya

Mujrim bhe teray thhehray ore saza bhe na hoe

Hum ko alaam ke busti saiy nehi hay shikwa

Ghum tau ye hay humain taskeen zara bhe na hoe

Ghum k aangan main mohabbat ko chardha ker perwan

Daiy diya naam-e-wafa ore wafa bhe na hoe

Mer gaiey ishq sumandar main uternay walay

Onn ke manzoor koe aik dua bhe na hoe

Hain zamanay main khata kar mohabbat k bohat

Teri jaanib saiy tau aik khata bhe na hoe

Raha shamil wo teri sooch main her dum shaukat

Lub bhe khamosh rehay aah-o-fughan bhe na hoe

Shaukat shafeeq haath nae aisay qatal kiya

Shaukat shafeeq haath nae aisay qatal kiya
Lehja budal liya kabhi chahrah budal liya

Tum jisay behisab chahtay ho

Tum jisay behisab chahtay ho

Mil ker ab kiya janab chahtay ho

Jubtay rehtay ho naam tum jis ka

Os sai kitna sawab chahtay ho

Ishq bhe be sumer nehi hota

Husn bhe la jawab chahtay ho

Zeher peetay ho lai k haathoN main

Jaam main kyun sharab chahtay ho

Aaj kal khoey khoey rehtay ho

Konsa ab azaab chahtay ho

Phool he phool hain chammon mai yahaN

Sab sai nazuk gulaab chahtay ho

Qader apni ghhata le hai tum ne

Daam oonchay janab chahtay ho

Waqt ik sa sada nehi rehta

Waqt muthi main aap chahtay ho

Saamnay mil nehi saka shaukat

Khawab main ab jawab chahtay ho

NadaaN thay bekhabar thay koch sakoN tau tha

NadaaN thay bekhabar thay koch sakoN tau tha
MushkilaiN bardh gaieN oar aagahi k baad

Na pooch hal e dil k donoN k haath maiN

Na pooch hal e dil k donoN k haath maiN
Na hijer o wasal hai na saansoN k door hai

Dil main halchal hoe jis naam sai teray shaukat

Dil main hulchal hoe jis naam sai teray shaukat
Hae wohi ishaq e Khuda Ishaq majaazi tera

Sumjha he jo nehiN zabaN meri

Sumjha he jo nehiN zabaN meri

KahaN hai chah ab yahaN meri

Chala jo saath her qadam meray

Wohi sumjha nehi fughaN meri

Silsila pyar ka rukka bhe nehi

Os pe her baat thee ayaaN meri

Nazuk itni k phool chhoo ker bhe

Ahh bharti thee jan e jaaN meri

Jholi bhar laitay pyar se apni

Itni oqaat thee kahaN meri

Shughal sumjha meri mohabbat ko

Bunti os sai kahaN kahaN meri

Tazkera zof e hal kiya kertay

Kon sunta tha kab kahaN meri

Rah chuntay jo apni hum shaukat

Khaak udti yahaN wahaN meri

Kabhi qurbat k lumhon main thhikana bhool jatay hain

Kabhi qurbat k lumhon main thhikana bhool jatay hain

Kabhi furqat ka teri hum fasana bhool jatay hain

Sitam hay ye mohabat main tum jisko isqadar chaho

Oosi ke aarzo main hum zamana bhool jatay hain

Chhupa kar baithh jatay hain naseebon ka diya zaiwer

Kabhi tujhko kabhi khud ko dikhana bhool jatay hain

Bas apni zaat main kho kar apna he ziker karna

Kisi doojay ka koe gham othhana bhool jatay hain

Ser-e-mehraab jaltay hon chiragh-e-gham andhairon main

Hum apnay aansowon ko phir dabana bhool jatay hain

Shroo jo ho wafa k naam per hum aisay rishtay ko

Khatam kar k wafa’on ka zamana bhool jatay hain

Tumhari aarzo main hum hoovay roswa zamanay main

Ye marg-e-jan say pehlay batana bhool jatay hain

Shaukat yaad rakhtay hain hum apnay dil ke hallat ko

Magar apni khata’on ko dikhana bhool jatay hain

Tujhay Kiya Khaber aiy hum nashin yahan kitnay sadmay guzar gaiaiy

Tujhay Kiya Khaber aiy hum nashin yahan kitnay sadmay guzar gaiaiy

Tujhay yaad ayee bhe tau jab meray sapnay saaray bikhar gaiaiy

Teri bandagi k hasool main, main kahan kahan say guzar gaya

Mila mujh ko koe na aashiyan mairay din andhairon sai bhar gaiaiy

Na he raaston ke khaber mili na he manzilon ka pata mila

Meri zindagi k wo char din issi jostujo main guzar gaiaiy

Koe pal sahara na daiy saka teri yaad say nijaat ka

Sobho sham rehay yehi mashghalay saaray ashk bai-asar gaiaiy

Tera dil jo bayqarar tha kabhi mujh pay dil-o-jaan say

Teray roothhnay say o sanum meray dil main khhanjar utar gaiaiy

Koe fiker laahuq na thhe humain kabhi apnay ranj-o-malal ke

Meray kal ore aaj k saaray dokh gham-e-hijran main badal gaiaiy

Kab hum nay jujh say gila kya kabhi apnay dard-e-baihaal ka

Baray hoslay ke ye baat thhe inhe hoslon main hum mar gaiaiy

Dil-e-natawan ke ye kaifiat, shaukat aag bun kar sama gaei

Janay kitnay mousam issi tara meray saahilon say guzar gaiaiy

Khaber nehiN zinda hoN ya mer gya hoN maiN

Khaber nehiN zinda hoN ya mer gya hoN maiN
Raha hoN doob kr tair dooor sagar maiN

Dooor sai pas ik shakhs ata gya

Dooor sai pas ik shakhs ata gya

Daikh kr main usay muskurata gaya

Wo mujhe daikhta main usay daikhta

Bas yunhi zindagi ko chalata gya

Daikh ker os ke ankhoN ke jadogri

Dil mera khud ba khud gungunata gya

Raaz main reh gya Koch tau mazi mera

Hal ka hal main tau sonata gya

Likh raha tha waraq der waraq main usay

Lufz her ik wo mera mittata gya

Koch na hasil hova zindagi katt gaie

Main usay wo mujhe bas rulata raha

Waqt ruk sa gya jab wo rukhsat hova

Main osi mord ko ghar banata gaya

Poochtay Koch rahay loog shaukat magar

Main idhar ke udher ke sonata gya

Meray naqsh kee badaulat mujhay shadman na sumjho

Meray naqsh  kee  badaulat  mujhay  shadman na sumjho

Meri  khosh  khaslatti  ko  meri  daastan na samjho

Koe  ghum  nahi  jo  thehro  mairay  saaye main zara  dair

Main  shajer  hoon  raastay ka mujhey  aashiyan na sumjho

Main  yehan  bhuttak  raha hoon ghum-e- zindagi othaaye

Main  chamon main ajnabi hoon mujhey baaghban na sumjho

Koch  bhooli  busree  yaadain  meri  zaat  main daffun hain

Main  shaayer-e-sokhun  hoon  mujhey raazdan na sumjho

Rahein dooor tak sitaray meray saat saat chaltey

Main shamil-e-suffer hoon mujhay karwan na sumjho

Abhi koch hay dair baaqi meri zindagi kee hud main

Main naa tawan hoon laikin mujhay bayzaban na sumjho

Kal tak rahay jo shaamil teri zindagi main shaukat

Kehtay hain hum ko apnay ab darmiyan na sumjho

Aik aurat thee meri maaN ke shakal maiN shaukat

Aik aurat thee meri maaN ke shakal maiN shaukat
Ja baja jis ne sumbhala hai mujhe girnay sai

khoshi main dard k lumhay talash kerta hon

Khoshi  main  dard  k  lamhay  talash  karta  hon

Apnay  wajood  k  tukray  talash  karta  hon

Main  apni  zeest  ke  un ginnat  takleefon  main

Apnay  leye  sudmay   talash  karta  hon

Hay  aziyiat  nahi  shaamil  meri  fitrat  main

Tujh  say  milnay  k  rastay  talash  karta  hon

Jo bas gaya hay  meray  dil  ke  gahraiyon  main

Oss  ko  paanay  k  harbay  talash  karta  hon

Naamay  mohabat  k  jo  jala  deiye  thhay  kabhi

Main  onn  khatoot  k  purzay  talash  karta  hon

Raat  bhar  jaag  kar  aasmaan  ore  sitaaron  main

Tootay  howay  taaray  talash  karta  hon

Bhatakta  rehta hon  aalim-e-dargoor  main  bhe

Bikhray  howay   kutbay  talash  karta  hon

Main  dhaamp   kar  dil  ke  kaifiat  shaukat

Her  jaga  apnay  payaray  talash  karta  hon

Hum bun janey sai tou ore maiN

Hum bun janey sai tou ore maiN
Kyun budaltay nehi matlab apnay

Wo aankh jo pardh sakti thee meray khawab

Wo aankh jo pardh sakti thee meray khawab
Muddat sai bund hai khulnay tau de jieyee

Soorat sai na seerat sai na phir sirf baatoN sai

Soorat sai na seerat sai na phir sirf baatoN sai
Mohabbat jis tarah bhe ho mohabbat tau mohabbat hai

Gumshuda niendoN ko laiker shaukat

Gumshuda niendoN ko laiker shaukat
Khawab daikhaiN tau kis tarah daikhein

NadaaN thay bekhaber thay koch sakooN tau tha

NadaaN thay bekhaber thay koch sakooN tau tha
Mushkilain bardh gaieN ore aagahi k baad

Hr simt sai aati hai mujhay khushbo e wisal

Hr simt sai aati hai mujhay khushbo e wisal
Phir kyun ho aaj ojhal hisaar e nazer sai tum

Mujhe ehsaad teri chah e mohabbat ka hai saher

Mujhe ehsaas teri chah e mohabbat ka hai saher
Magar derpaish andhairoN ke masaffat hai mujhe

Teray fraib sai aashna thay phir bhe hum

Teray fraib sai aashna thay phir bhe hum
Khaloos e dil sai tera aitebar kertay rehay

Tujhay dhoonda tujhay chaha tujhay khonay na diya

Tujhay dhoonda tujhay chaha tujhay khonay na diya

Iss tara dil ko pashaiman kabhi honay na diya

Bar ha manzillain aaiyien jahan paich-o-kham thhay

Neind main doobti aankhon ko sonay na diya

Tujh ko rakha smait kar apnay seenay main

Ghaafil teri yaad sai dil honay na diya

Furqat-e-yar tujhay aisaiy bhe chaha hum nay

Khod tarapta raha magar aankh ko ronay na diya

Raasta bhool gaiay laut k aanay walay

Bund hum nay dareechay ko magar honay na diya

Jab sai rakha sehra-e-mohabat mai qadam

Apna yaqeen teri zaat say khonay na diya

Thha bhrosa humain azm-e-wafa per teri

Kehin badnaam tera naam honay na diya

Tum tau jeetay he rehay umeed-e-wasl main shaukat

Daagh-e-dil tum nay kisi ore ko dhonay na diya

Kabhi qurbat k lumhon main

Kabhi qurbat k lumhon main thhikana bhool jatay hain

Kabhi furqat ka teri hum fasana bhool jatay hain

Sitam hay ye mohabat main tum jisko isqadar chaho

Oosi ke aarzo main hum zamana bhool jatay hain

Chhupa kar baithh jatay hain naseebon ka diya zaiwer

Kabhi tujhko kabhi khud ko dikhana bhool jatay hain

Bas apni zaat main kho kar apna he ziker karna

Kisi doojay ka koe gham othhana bhool jatay hain

Ser-e-mehraab jaltay hon chiragh-e-gham andhairon main

Hum apnay aansowon ko phir dabana bhool jatay hain

Shroo jo ho wafa k naam per hum aisay rishtay ko

Khatam kar k wafa’on ka zamana bhool jatay hain

Tumhari aarzo main hum hoovay roswa zamanay main

Ye marg-e-jan say pehlay batana bhool jatay hain

Shaukat yaad rakhtay hain hum apnay dil ke hallat ko

Magar apni khata’on ko dikhana bhool jatay hain