Sitam karo ya karam hum gila nehi kartay

Sitam karo ya karam hum gila nehi kartay

Khizaan main phool yaqeenan khila nehi kartay

Mila dau khaak main hum ko magar khayal rehay

K hum saiy loog dobara mila nehi kartay

Ajab sakoot sa taari haiy onn ke nazron main

K jaisay ab wo kisi saiy wafa nehi kartay

Unhi k dam saiy haiy roshan ye mehfil shair-o-sukhan

Ye ore baat haiy wo yahan dikha nehi kartay

Jo dhoondtay hain khushi udaas chehron main

Unhi ke aankh saiy aanso gira nehi kartay

Kabhi tau badlay gi duniya kabhi tau badlain gaiy rung

Abhi tau ashak humaray rukka nehi kartay

Kahan khayal maseeha ko aaj haiy shaukat

Kahan hain loog jo dushman howa nehi kartay