WO AIK SAYA JO SATH MERE KABHI CHALA NA

WO AIK SAYA JO SATH ……

Wo aik saya jo sath meray kabhi chala na, wo kho gaya na

Tareek rah mai jo bun k jugnoo kabhi jala na , wo kho gya na

Mehak rachi thee fiza mai jis ki hava mai sargoshiyaN theiN shamil

Wo phool bun k meray chammon main kabhi khila na, wo kho gya na

Sunna tha rustoN mai chalnay wala her aik hota nehi musafir

Thhehar k oss nai sufer dobara shroo kiya na, wo kho gya na

Swal koe wafa nehi tha sakoon daita thha oss ka hona

Meray sakooN ko ja k oss nai fanna kiya na, wo kho gya na

Sitam zareefi nehi thha shaiva laga mjhey Koch iss tarah he

Mgr jo haq e wafa tha mera hova ada na, wo kho gya na

Charagh laiker andhairi raatoN mai dhoondta hon nishan oss k

Mgr kabhi bhe kehin bhe oska pata mila na, wo kho gya na

Kabhi na chaha kabhi na soocha k hijer rah e wafa milay ga

Yaqeen e kamil ko osnay meray dagha diya na, wo kho gya na

Dua’yeN milti rehien hain shaukat hazar barsoN ke zindagi ko

Taweel jeevan ko ja k oss nae ghatta diyana, wo kho gya na