Mian tujh ko sunaata hon jo roodad main hai

Mian tujh ko sunaata hon jo roodad main hai

Ik pari zad ka paiker dil e berbaad main hai

Jab sai aya hai meray dil k nihaan khanay mai

Aik halchal see muchi gosha e abaad mai hai

Wo husan e mujassam go mera humdam tau nehi

Phir bhe ehsaas e rafaqat meray humzaad mai hai

Jhoomta hon tau qadam rukktay nehi hain meray

Jaisay quowat e junon raqs e saiyaad mai hai

Ik zabt e musalsal jo graizan hai fughaan sai

Kiya bataon kiya husrat meri feryaad mai hai

Meri aankhon main nehin lutf e sakoon ka munzer

Job he mojood hai munzer wo teri yaad mai hai

Qurb e yaraan ka jo ehsaas hova hai shaukat

Is takhiyul ka tasalsul dil e na shad mai hai

Gulon main aashiyan rakha howa hay

Gulon main aashiyan rakha howa hay

ik yaadon ka jahan rakha howa hay

Meri mehfil main aao tau main keh doon

Tera naam-o-nishan rakha howa hay

Tumhi  keh lo jo kehna chahtay ho

HamaiN tau baizaban rakha howa hay

Guzerti ja rehi hay zindagani

Dilon ko badgoman rakha howa hay

Dikhaei daiy rehi hay mujko manzil

Nazar main ik samaan rakha hawa hay

Nehi hay paatna mushkil wo darya

Jo tum nay darmiyaan rakha howa hay

Lagaie aag jis nay aashiyan main

Osi ko meherban rakha howa hay

Kisi hikmat k baeis osnay shaukat

Tera koch imtehan rakha howa hay

Wada tau mulaqaat ka kerta hai wo hum sai

Zamin asmaan ko milaon tau kiya hay

Zamin asmaan ko milaon tau kiya hay

Main lufzon k teer chalaon tau kiya hay

Mudoo main nay sub ko yahan pay kiya hay

Tumhain jan-e-mehfil banaon tau kiya hay

Dikh tau raha hon main chehra jahan ko

Ab aankhon say neer bahaon tau kiya hay

Thham gaaiy ashak bhe ab tau behtay behtay

Ab thhora sa main muskeraon tau kiya hay

Koch zada nehi loog pagal kehain gaiy

Main nazron say koch gir jaon tau kiya hay

Ye halat mujhay teray ghum say mili hay

Dokhon say main duniya basaon tau kiya hay

Chalo aaj daiy dau mujhay ye ijaazat

Teray pas main loat aaon tau kiya hay

Mujhay loog kehtay hain shayer hay shaukat

Main daad-e-sukhan onn say paaon tau kiya hay

Bazahir aam honey sai koe bhe aam nehi hota

Bazahir aam honey sai koe bhe aam nehi hota

Jinhain chahat budalti hai wohi tau khaas hotay hain