MERAY SHAIRON MAIN JO DARD KE BAAT HOTI HAI

MERAY SHAIRON MAIN JO …..

Meray shairoN main jo dard ke baat hoti hai

Bohat iss sai praishaN khud meri zaat hoti hai

Main jo bunta hoN kabhi yadoN k taanay baanay

Meri aankhoN main bhe ashkoN ke barat hoti hai

Loog sumajhtay hain maiN shayer hon tau kaam hai likhna

Wo kiya janaiN zameen e sukhun kaisay sairaab hoti hai

Jab ubherta hai takhiyul mera lufz bun bun ker

Roh khala’oN main meri mehv e perwaz hoti hai

Dhoondta hon main raatoN main bhe lufzoN k gohar

Jab kehiN ja k ghazal sabzo shadaab hoti hai

Shayed ker nehi skta zabaN sai main Mun ker izhar

Meri shayeri he meray dil ke kitaab hoti hai

Jin sai kerta hon gilay shikway main apnay akser

JahaN sai door kehiN onn sai mulaqaat hoti hai

Main mussawar tau nehi k tasveer bana loon shaukat

Meri tehreer he meray fun ke shanakhat  hoti hai

wo eid jis ke chah mai

Sabbub loat k janay ka yahi tau hai..

MAANA MAIN TERAY PYAR KE

MAANA MAIN TERAY PYAR KE …….

Maana main teray pyar ke jagah tau nehi

Sumajh k ghair nazar sai mugar gira tau nehi

Chala hon sath teray shayed main bin ta’aluq k

Wohi hon main koe ab dosra tau nehi

Main ajnabi he sehi phir bhe humsafer tha tera

Deewar beech main koe tou ab utha tau nehi

Teri zabaN sai  jo niklay wohi tau afzal hai

Meri khamosh nigahoN ka gham bhula tau nehi

Pehchan ab nehi koe teri nigahoN main

Meray wajood ko yun khaak main mila tau nehi

Guzer he jaey ga waqt tera ore mera bhe

Bila wajah tau mohabbat ko aazma tau nehi

Main teray baad ulfat ke paas dari main

Muqam e ijz o akhhowat sai kabhi gira tau nehi

Morrawat main gunwaya hai shaukat nae bohat Koch

Tou isay dahar k rustoN main gunwa tau nehi