tumharay pyar main mitnay ke dil main ab tamunna hai

Hum nai apnay he khayalaat ko zehmat kiya dee

Hum nay apnay he khayalaat ko zehmat kiya dee

Dil nay poocha tujhay oss nay mohabbat kiya dee

Dil dukhha ker jo anjan bana phirta hay

Pooch oss saiy usay shehar nay izat kiya dee

Qatal kerta hay nigahon saiy baray payar k saath

Qudrat nay usay husan ke neamat kiya dee

Hum tau jaltay he rehay sham-o-sehar ulfat main

Zindagi tou nay humain ishq ke jureat kiya dee

Itna tadpay k deewaron nay sumbhala hum ko

Iss dil nay humain aik mohabbat  kiya dee

Gham-e-ulfat gham-e-zeest moatber tehray

Katib nay meri jaan ko qismat kiya dee

Jab lahoo choos leya tamanaon nay sara shaukat

Hum nay Jana yahan ishq ke qeemat kiya dee

JAB TERI YAD SAIY HUM DIL KO

JAB TERI YAD SAIY HUM DIL KO …….

Jab teri yad saiy hum dil ko behlanay niklay

Kitnay ashq iss aankh saiy na janay niklay

Han tasawur main tujhay pa tau leya thha hum nay

Per haqeeqat main sub khawb suhanay niklay

Kitnay nadaaN thhay k khud pay bharoosa ker k

Dooor duniya teray ghar saiy basanay niklay

Apnay daamun main sumait kr wafa k mooti

Dashat o derya main khud he bahanay niklay

Zameen e dil ko jab bhe khangala hum nay

Sooch saiy zada sub zakham puranay niklay

Hum nay apnon saiy lagaie thhee wafa ke umeed

DardmandoN main subhi loog baiganay niklay

Taaron nay saja rakhi thhee tanhiye humari

Bewaja hum khursheed ko panay niklay

Chaha jab bhe kabhi loat k aana  shaukat

Dard teri zaat saiy juray ore satanay niklay

Hai Ajeeb Dil Ki Hallet Her Shaiy Hoe Praie

HAI AJEEB DIL KE HALLET

Hay ajeeb dil ke halat her shay hoe paraaie

Meray dil main busnay walay teri yad phir say aaye

Tujhay dhoondti hain nazrain tujhay kis jaga main paon

Bardi lumbi ye judaie tou nay bay subub banaie

Parday saaray rung pheekay teri baywafaiyon say

Main jahan jahan say guzra hoe meri jug hunsaie

Meri preet tou nay looti mera chain tou nay cheena

Tujhay raas kyun na aaie barson ke aashnaie

Tujhay aasman bunaya main nay apni zindagi ka

Mujhay kya pata tha hogi teray dil main baywafaie

Jo saza main nay daidi teri aarzo main khud ko

Meray khawb saaray tootay mujhay niend tak na aaie

Main jal k raakh gar hon tou nehi hay iska zaamin

Mujhay jug nay mar dala main nay aag khud lagaie

Ye bharam bhe aaj toota teri dosti ka shaukat

Tou nay khud he ke mohabat tau saza bhe tou nay paaie

Jis ko Nigha e Shoq nai rakha hai aas paas

Pyar Ki Kahani MaiN Roz Jeetay Mertay Hain

PAYAR KE KAHANI MAIN ………..

Payar ke kahani main roz jeetay mertay hain

Dao dilon k aisay he raat din guzertay hain

Saath jab bhe chaltay hain oonchay neechay ruston pay

Aik saath donon k dil bhe haan daraktay hain

Dosti bhe hoti haiy dushmani bhe hoti hay

Payar bhe tau hota hay iltija bhe kertay hain

Jab chammon main phoolon k dermiyan wo chaltay hain

Sir tikka k shaanon pay shokhiyan bhe kertay hain

Uljhanay bhe aati hain gham ke hawaien bhe

Hijer k andhairon main wasl ko terustay hain

Loog bhe tau miltay hain bayshumar jeevan main

Onn ke zaat say aksar zaawiye badaltay hain

Zeest k subhi moasum ik tarah nehi chaltay

Rishtay bhe badaltay hain loog bhe tau mertay hain

Harf-e-aam main shaukat zindagi hay iss ka naam

Iss k sub k sub moasum daastan badaltay hain

Laiker kisi sai jaam monh ko laga liya

LAIKER KISI SAIY JAAM

Laiker kisi saiy jaam monh ko laga liya

Lo hum nay runj o gham saiy daamun chorda liya

Budnaam kam nehi thhay pehlay he dosto

Ore maikashi k daagh saiy chehra saja liya

Dainay ko koch sakoon roh e rawan ko ab

Basero samaat per bhe parda gira liya

Koch bhe nehi diya aiy zindagi tujhay

Sukh chain teray wastay abter bana liya

Jalnay diya tamam umer dil ka roowan roowan

Taarikiyun ka apni isay jugnoo bana liya

QadmoN ko her mord per jalti zameen mili

Tapti sulagti raakh main khud ko jala liya

Jo haadsay hovay nazmoN main likh diye

Kehnay ko khud ko hum nay shayer bana liya

Jeewan tujhay rulata raha shaukat qadm qadm

Ye na howa kabhi, jo chaha wo pa liya