Jo Roodad Tum Ne Sunai Baray Jazbaat k Sath

JO ROODAD TUM NAY SUNAIE

Jo roodad tum nay sunaie baray jazbaat k sath

Koch tau ta’aluq hay iss ka meri zaat k sath

Khufgi ore bardhay gi jo hawa do gaiy isay

Na bardha’o rungishain ore meri hayat k sath

Gham-e-hijran main guzari hay ik umer main nay

Main wo aanso hon jo bersa hay bersaat k sath

Kara hay waqt ore qafas udaas lagta hay

Guzar lain gaiy koch roz ore sudmaat k sath

Main bura maanoN teri baton ka ab aisa bhe nehi

Tung nazar hon na koe rungish meri hay aap k sath

Rung-e-chahat meray chehray saiy ayan ho na ho

Haqeeqat main judi zaat meri hay teri zaat k sath

Shart-e-wafa pay khail gaya thha main umer ke bazi

Zinda hon main abhi bhe ossi aik baat k sath

Sochain gaiy armaanoN ko dufun kernay ka hum shaukat

Aanay walay moasum main kisi bersaat k sath

Zara Sa Runj Hai Koe Runjishain NehiN JanaN

ZARA SA RUNJ HAY……..

Zara sa runj hay koe runjishain nehin janaN

Teray wisal ke ab khawhishain nehin janaN

Main ajnabi bun k tera saath kiya daita

Mujhay qabool thien ye bundishain nehin janaN

Moasum-e-dil ke ajeeb hallat hay aaj kal

Ab lutf daitien ye barishain nehin janaN

Mera ziker ker rehay hain ahbab shaam say

Rokain qadam meray ye shazishain nehin janaN

Faslay qaleel hain manzilon k dermiyan laikin

Mera maskan-e-qarar ye manzilain nehin janaN

Gardish-e-pa main ulajh ker reh gae zindagi meri

Teray khayal ke ab fursatain nehin janaN

Qadum qadum pay meray wajood nay jhanjhoda magar

Meri zaban say niklin shikayetain nehin janaN

Shaukat bikhar chukka hay gar chay hijr-o-wisal main

Laikin bhoolaie jaaiyen wo mohabbatain nehin janaN