JAATEY HOOVEY TUM ………..
Jaataiy hovaiy tum wasl ka ahtamam ker jao
Tawalat-e-hijer k mah-o-saal meray naam ker jao
Jahan main baith ker yum-e-wisaal-e-yar ko tersoon
Oss gosha-e-makan ka khud he intezaam ker jao
Din dhalney saiy qabal aana, jab loat ker aao
Aisa na ho saanson ke meri tum shaam ker jao
Rung-e-hina saiy likh do hathaili pe naam apna
Khadshay wehum-o-gumaan k sub tamam ker jao
Ajab nehi k zamana sataey mujhay tumharay baghair
Jahan k saamnay ye taaluq sar-e-aam ker jao
Alwida main kaisay kahon, rukktien hain saansain meri
Raat k kisi pehar main tum ye kaam ker jao
Wafa pe aanay na do gaiy harf, yaqeen hay shaukat
Buland jahan main meray tum apna muqaam ker jao
